Lajmi se peshëngritësja Romela Begaj e cila para disa javësh u shpall kampione ka rezultuar pozitive në testin anti doping ngriti shumë diskutime.
Ky lajm i ka tronditur të gjithë, por nuk ka vonuar edhe reagimi i presidentit të Federatës së peshëngritjes Elez Gjoza i cili është shprehur i shqetësuar për këtë rezultat.
Ai madje ka rrëfyer se një gjë e tillë është gënjeshtër dhe se Romela është shumë e pastër. Sipas tij e gjithë kjo bëhet që ajo mos mbajë medaljen që nderoi vendin tonë.
“Ne ende nuk kemi marrë një përgjigje apo shkresë zyrtare nga federata botërore e peshëngritjes! Jam i shqetësuar për lajmin që qarkullon edhe pse mund të ketë dalë nga burime të tjera dhe jo nga federata botërore! Jam i bindur se Romela është e pastër dhe ne do të bëjmë gjithçka për ta mbrojtur punën e saj! Do ta çojmë çështjen edhe në gjyq po qe nevoja”, ka deklaruar Gjoza për Panorama Sport.
