Sot është një ditë e veçantë për familjen e Sali Berishës. Vajza e Shkëlzen Berishës, e cila tani është bërë një zonjushë e vërtetë feston maturën dhe familjes Berisha i është dashur të udhëtojë drejt Suedisë, aty ku dhe Medina vijon studimet.
Shkëlzen Berisha ka publikuar në llogarinë e tij në Facebook foto krah vajzës së tij, Medinës teksa në duar mban një tabelë ku është Medina e vogël.
“Nga çerdhja në maturë….sa hap e mbyll sytë…suksese Medin”, shkruan Shkëlzeni.
Gjithashtu, e pranishme në këtë ceremoni ka qenë edhe Lirie Berisha. Këtë e ka zbuluar vetë ish-kryeministri Sali Berisha.
“Miq, sot kemi një gëzim të veçantë. Medina, mbesa jonë, mori diplomën e maturës! Në foto, sot me kapelen e maturës mban në dorë foton e saj bebe. Suksese, suksese në studimet universitare dhe përqafime”, shkruan Berisha, duke publikuar edhe një foto në të cilën shihet edhe djali i Shkëlzenit.
