Ka pasur thashetheme të vazhdueshme për marrëdhëniet e tensionuara mes partneres së Cristiano Ronaldos, Georginës dhe vjehrrës së saj, Dolores Aveiro. Sipas revistës Look, rrënja e konfliktit të tyre mund të jetë momenti kur Georgina u transferua me Cristianon në La Finca, Spanjë.
Thuhet se Cristiano mori vendimin t'i jepte Georginës liri të plotë për të dekoruar shtëpinë sipas shijes së saj, që ajo të ndihej rehat në shtëpinë e tyre së bashku.
Një nga ndryshimet e bëra nga Georgina u kundërshtua shumë nga vjehrra, Dolores Aveiro. Mbi oxhakun në dhomën e ndenjes, dikur ishte një pikturë e madhe me Cristianon dhe nënën e tij. Megjithatë, pasi Georgina u zhvendos, Dolores zbuloi se piktura ishte hequr dhe zhvendosur në garazh. Në vend të saj, Georgina kishte vendosur një pikturë të saj, të cilën Dolores Aveiro e interpretoi si një përpjekje për ta zëvendësuar dhe një shfaqje epërsie nga ana e Georgina.
