Në faqen zyrtare të “Big Brother Vip Albania” në Instagram është publikuar një lajmërim. “Këtë të hënë kemi diçka për t’ju thënë”, shkruhet në postimin që duket se ka lidhje me filmin e shumëpërfolur ku do luajnë Luizi dhe Olta.
Me shumë mundësi të hënën do kemi mundësi të njihemi me kastin ose me trailerin e filmit të shumëpërfolur.
Filmi do të titullohet “Në kuadër të dashurisë“, ku siç duket janë frymëzuar nga frazat e përdorura në Big Brother Vip”. Ky film do të jetë i zhanerit “komedi-romancë”.
“Do të jetë një histori e vërtetë dashurie në kohët moderne që ndërlidh jetën e dy njerëzve, dy familjeve të tyre në një komedi romantike që do t’u bëjë të qeshni, të qani dhe të dilni nga kinemaja të frymëzuar”-thuhej në përshkrimin e filmit.
