Është gjetur pajetë në shtëpinë e saj, këngëtarja dhe aktorja shumë e njohur Jane Birkin, raportojnë mediat franceze. Ylli anglez-francez, e cila frymëzoi çantën e stilistit Hermes Birkin, vdiq në moshën 76-vjeçare.
E lindur në Londër, Birkin filloi karrierën e saj si aktore. Ajo fitoi famë ndërkombëtare për marrëdhënien e saj me Serge Gainsbourg. Dyshja u takuan ndërsa luanin bashkë në komedinë romantike satirike franceze të vitit 1969, Slogan, dhe vazhduan të publikonin një album debutues në të njëjtin vit.
Albumi përmbante këngën “Je t’aime… moi non plus” e cila arriti në vendin e parë në UK Singles Char, pavarësisht se u ndalua nga një numër stacionesh radiofonike. Pas ndarjes së tyre në 1980, Birkin vazhdoi të punonte, duke u shfaqur në shumë filma dhe duke regjistruar albume të shumta solo në frëngjisht dhe anglisht, për të cilat Gainsbourg shkruante rregullisht.
Në vitin 1981, Birkin thuhet se ishte ulur pranë shefit ekzekutiv të Hermes, Jean-Louis Dumas në një fluturim nga Parisi në Londër, sipas revistës L’Officiel. Pas një bisede mes të dyve se sa e vështirë ishte gjetja e një çante që mund të plotësonte nevojat e Birkin si nënë e dy fëmijëve, lindi çanta Birkin.
Çanta e dorës është kthyer në një simbol statusi, me disa që kapin mbi 10,000 dollarë.
Jane Birkin ishte detyruar të shtynte disa koncerte në Paris të planifikuara për në maj pasi kishte thyer shpatullën e saj në mars 2022, raportoi BFMTV.
“Unë kam qenë gjithmonë një optimiste e madhe dhe e kuptoj se më duhet ende pak kohë për të qenë në gjendje të jem përsëri në skenë dhe me ju. Më pëlqen shumë të jem me ju,” tha ajo në një deklaratë në atë kohë.
Kjo pasoi një seri tjetër shfaqjesh të anuluara pasi ylli pësoi një goditje në shtator 2021, tha BFMTV.
