Nga Shqipëria / E Martë 18 Korrik 2023, 19:07

Situatë apokaliptike/ Zjarret pushtojnë Greqinë, qielli bëhet i kuq

Greqia po përjeton sërish situatë të vështirë me zjarret edhe këtë verë. Linjat e tensionit të lartë që furnizojnë Athinën me energji po rrezikohen nga zjarret që kanë pushtuar vendin.

Qindra hektarë pyje janë nën pushtimin e flakëve, ndërsa zjarret po i afrohen edhe zonave të banuara.

Në vendngjarje ndodhen zjarrfikëset të cilat e kanë të vështirë shuarjen e flakëve për shkak të terrenit të vështirë dhe flakëve.

Korrespodenti i Top Channel, Artur Bibe, i cili ndodhet në zona industriale të Magulës në Athinë thotë se dëmet janë kolosale dhe se kjo zonë ka shumë dëmtime nga zjarret.

Vitin e kaluar Greqia shënoi zjarret më të rënda që nga viti 2006.