Një 19-vjeçar ka rënë aksidentalisht nga kati i dytë i një resorti në Ksamil. Ende nuk dihet si ka ndodhur ngjarja, por paraprakisht dyshohet se i riu ka rënë aksidentalisht.
Ai është plagosur rëndë dhe është dërguar në Spitalin e Traumës, ku sipas policisë, është jashtë rrezikut për jetën.
Mësohet se i riu nga qyteti i Lushnjes, rreth orës 03:00 ka rënë aksidentalisht nga ballkoni i katit të dytë i resortit. Gazetarja Shpresa Dine raporton për BalkanWeb se fillimisht ai është transportuar në spitalin e Sarandës, e më pas është nisur drejt Traumës në Tiranë.
Mjekët kanë bërë me dije se si pasojë e rënies, ai ka pësuar frakturë vertebrale.
Burimi: balkanweb
