Një lajm aspak i mirë ka ardhur nga shtëpia e bardhë, pasi një nga djemtë e presidentit Donald Trump, Donald Trump Junior dhe bashkëshortja e tij Vanessa Trump, kanë lajmëruar se i kanë dhënë fund martesës së tyre 12 vjeçare.
Lajmin e ka dhënë vetë ish çifti në një deklaratë të përbashkët ku kanë treguar se kanë vendosur të ndjekin rrugën e tyre të ndarë.
“Pas 12 vitesh martesë, kemi vendosur të ndjekim rrugë të ndara. Do të kemi një respekt të jashtëzakonshëm për njëri-tjetrin dhe familjet tona. Kemi pesë fëmijë të bukur bashkë dhe ata mbeten prioriteti ynë kryesor. Shpresojmë të kemi privatësi gjatë kësaj kohe.”
Siç është bërë e ditur ata nuk do të bëjnë asnjë betejë ligjore mbi kujdestarinë e fëmijëve ose pasurinë dhe janë ndarë në mënyrë paqësore.
Ndërkohë dihet që janë prindër të pesë fëmijëve dhe janë takuar për herë të parë në një sfilat në vitin 2003 ku Donald Trump i ka prezantuar së bashku.
