Pak ditë më parë të gjithë njerëzit u revoltuan pas një reklame që aplikacioni i njohur Snapchat bëri, ku kujtonte ngjarjen e dhimbshme të para disa viteve kur Rihanna u dhunua nga ish i dashuri i saj Chris Brown.
Në sloganin e reklamës shkruhej: ““Do të preferoje më shumë të qëlloje Rihanna-n me pëllëmbë apo Chris Brown-in me grusht?
Kjo gjë nuk u pritë aspak mirë nga përdoruesit e aplikacionit dhe reagimet ishin të shumta. Më pas Snapchat kërkoi falje publikisht për dy këngëtarët e njohur, por kjo nuk ka mjaftuar dhe ka qenë vetë Rihanna ajo që ka reaguar mbi këtë ndodhi, duke bërë një reagim të ashpër ndaj këtij rrjeti social dhe ka kërkuar nga të gjithë fansat e saj që mos ta përdorin më atë.
“Tani Snapchat, ti e di që nuk je programi im i preferuar. Thjesht po përpiqem të të tregoj se ku qëndron problemi më gjithë këtë. Do të doja ta justifikoja si injorancë, por e di që nuk jeni budallenj. Ju shpenzoni para duke animuar diçka që është e turpshme për të gjithë viktimat e dhunës në familje dhe bëni shaka me të.”, shkruan Rihanna në postimin e saj.
