Ajo është një nga këngëtaret më të dashura për publikun, por i ka bërë të gjithë kurioz së fundmi pasi që nga muaji janar këngëtarja Ariana Grande nuk ka postuar asnjë foto në adresën e saj dhe ka qenë inaktive për muaj të tërë.
Kjo gjë ka ngritur dyshimet se këngëtarja është shtatzënë dhe siç është bërë trend së fundmi ashtu si Kylie Jenner ka vendosur ta fsheh.
Mirëpo edhe pse dyshimet rriten nga dita në ditë burimet pranë Arianës i kanë mohuar këto zëra duke thënë se ajo thjesht ka marrë një periudhë pushimesh nga rrjetet sociale për tu marrë me projektet e saj.
Gjithashtu ajo pati një periudhë të trishtë pas sulmit terrorist që ndodhi gjatë koncertit të saj në Manchester, vitin e kaluar.
“24-vjeçarja është në përfundimin e albumit të saj të ri dhe kur çdo gjë të jetë gati ajo do t’i rikthehet rrjeteve sociale dhe televizionit si zakonisht”, shton burimi megjithëse një pjesë e fansave të saj janë skeptikë e nuk u besojnë këtyre fjalëve.
