
Ajo prej muajsh po përjetonte një histori të bukur dashurie dhe madje pak muaj më parë lajmëroi se shumë shpejt do të bëhesh nënë për herë të parë. Mirëpo mesa duket gjërat për personazhin e njohur të ‘Keep up with the Kardashians’, Khloe Kardashian nuk po ecin aspak mirë.
Pak javë përpara se ajo të lindë fëmijën e saj, janë publikuar nga TMZ disa pamje ku i fejuari i saj Tristan Thompson, shihet në moment intime me disa femra, madje me njërën prej tyre edhe është puthur.
Kjo video ka bërë xhiron në internet dhe të gjithë po prisnin të shikonin reagimin e modeles së njohur pasi ti shikonte.
Ajo ende nuk ka dhënë ndonjë deklaratë lidhur me këtë gjë, por burime pranë familjes së njohur janë shprehur se po e vuan shumë dhe kjo gjë po ndikon te shtatzënia e saj.
“Pasi pa fotot Khloe u shkatërrua dhe qan gjatë gjithë kohës. Supozohet që periudha e shtatzënisë duhet të ishte më e bukura për të, por Tristan është duke ja bërë të dhimbshme atë. Asaj ju thye zemra kur pa se njeriu që ajo dashuron ishte duke flirtuar me dikë tjetër. Ajo është shkatërruar emocionalisht dhe po ndikon në shtatzëninë e saj, nuk i ndal lotët,”- ka thënë burimi.