Pas një muaj do të ndodh ngjarja më e shumëpritur nga të gjithë, dasma mbretërore e Princ Herry dhe aktores së njohur Meghan Markel. Mirëpo ndërkohë që të gjithë presin ngjarjen e madhe, princesha e ardhshme është përfshirë në një sërë skandalesh gjatë këtyre muajve.
Së fundmi vëllai i saj ka bërë një deklaratë shokuese në lidhje me aktoren e njohur. Aktori amerikan, Thomas Jnr, ka shprehur për ‘Daily Mirror’ se fama e ka ndryshuar tërësisht motrën e tij, duke e bërë atë të harrojë familjen e saj pasi prej kohësh ajo nuk mban më kontakte me ta.
“Ajo ka harruar të afërmit e saj. Meg i pëlqen të duket si një njeri humanitar, dashamirës dhe shumë i përkujdesur, por ndërkohë me familjen e saj nuk është aspak kështu. Po luan rolin gjatë gjithë kohës, është hipokrite. Kam lexuar që Meg do të jetë si Diana. Diana-n e donte gjithë bota për shumë arsye. Kjo është çka Meghan do, por nuk do të ndodhë. Ajo nuk është e vërtetë dhe e sinqertë si Diana”, mësohet të ketë thënë Thomas për të motrën.
Ndërkohë ai u shpreh se prej 2015 ai nuk e ka parë të motrën dhe se ajo as nuk u ka dërguar një ftesë për dasmën mbretërore.
