Shyhrete Behluli dhe Motrat Mustafa kanë qenë në qendër të vëmendjes së fundmi pas akuzave për kopjim të këngës. Motrat Mustafa akuzuar Shyhreten se ka huazuar idenë e një kënge që i dedikohej nënës. Në një intervistë për "Prive", Shyhrete foli për herë të parë mbi këtë çështje dhe bëri thirrje që motrat Mustafa t'i kërkojnë të falur.
"Nuk e kam ndërtu karrierën me skandale sa me marrë ide nga Sahidja. Kjo është shpifje me qëllim me njollos emrin dhe karrierën time. Qëllimi i tyre ka qenë me i bo këngës publicitet me emrin tem", u shpreh Shyhrete.
Pas intervistës së këngëtares, njëra nga motrat Mustafa, Sahidja reagoi me një postim në rrjete sociale.
"As edhe nje gje nuk e tha te vertet ,po jam shume e qet kur e di qe edhe ajo e din cila eshte e verteta. Tha me kerku falje, un smundem me thon me na kerku falje ajo ,se ne jemi shume te reja kunder moshes te saj. Vetem respekt per moshen qe e ka", shkruante ndër të tjera Sahidja.
Pas intervistës, Shyhrete ka vendosur t'i heqë motrat Mustafa edhe nga Instagrami duke treguar kështu se shoqëria e tyre është prishur.
Po ashtu edhe motrat Mustafa e kanë hequr Shyhreten nga lista e tyre e ndjekësve në Instagram.
